Produción
En Nalgures entendemos que os distintos eventos que requiren unha produción, ben sexan artísticos, culturais, sociais, empresariais, ou doutra natureza, precisan dunha planificación e atención ao detalle
O deseño da produción ou pre-produción é un dos traballos determinantes no éxito dun espectáculo. No deseño proxéctanse os elementos precisos, realízanse os deseños dos recintos escénicos nos que se celebran os distintos espectáculos, detállanse as medidas a tomar para a comodidade dos participantes e público asistente, determínanse as estruturas a empregar, se toman en consideración as lexislacións aplicables. O proceso de coordinación é transversal en toda a produción desde o inicio de asentamento no recinto.
En Nalgures contamos con persoal especializado e con acreditada experiencia para desenvolver eventos de distinta magnitude. Realizamos producións para recintos de escasa capacidade a outros coa asistencia de milleiros de persoas. Tamén contamos con diverso material especializado para a produción de eventos, mobiliario, equipos de son e iluminación, etc, e traballamos con acreditadas empresas no subministro de equipamento técnico para calquera tipo de evento.
.
Leva os teus eventos ao seguinte nivel
Desde o deseño ata a implantación, en Nalgures Producións coordinamos cada detalle técnico para garantir o éxito do teu espectáculo.
