Fixe Trío

Fixe Trío son cancións do mundo; unha viaxe atlántica a través dun universo de composicións orixinais e temas populares arranxados para este formato acústico.
Beben de cancións recollidas do seu propio arquivo e as influencias vitais e musicais de cada unha das integrantes á hora de crear melodías, letras e arranxos, o que fai que o seu repertorio sexa rico, variado e diferente.

A palabra fixe defínese en positividade e firmeza, reflexo da forma en que crean o seu mundo sonoro.

Blanca Marigómez, Joel Fontán e Xela Confer son as tripulantes deste barco que viaxa no tempo e no espazo nos seus acolledores e emocionantes concertos. Tres historias musicais diferentes que conflúen nun son propio como canle de expresión e comunicación libre e transgresora tanto na parte musical como nas súas verbas.

A principios do ano 2020 xuntáronse por primeira vez nun ensaio para comezar a crear o seu repertorio. Pouco tempo despois entrariamos en pandemia, pero iso non impediu que seguisen traballando inda que fora na distancia.

Último proxecto

A finais de 2020 gravaron o seu primeiro vídeo promocional «Sempre Fixe» e a principios do 2021 entraban no estudio para facer o seu primeiro EP que levaría o mesmo título e que sairía á luz a principios de verán dese mesmo ano. A comenzos de 2022 estrean o vídeo «Que o falar non ten cancelas», en xullo dese mesmo ano (coa produtora Calle Sonora) o vídeo «Se non fora por quen baila», en outono sacarían novo sinxelo en formato de vídeo liric «O Reflexo» e, para rematar o ano, outro novo sinxelo en vídeo «Palmira Swing». En primavera de 2023 sacan novo vídeo liric «O mar, amar». Fixe Trío non deixan de crear ao mesmo tempo que continúan cos seus concertos. Neste intre en que les esta ficha, ten por seguro que xa saíu algo novo ou está a piques de facer aparición nas súas redes.